Crime Africa
Nigerian lecturer accused for rape of 17 year old student chop arrest, dismissal
Covenant University don dismissal of one of dia lecturers on top accuse of rape of a 17 year old student.
Di Nigerian private university wey David Oyedepo, di presiding Bishop of Living Faith Church establish, confam dis to BBC News Pidgin on Wednesday.
Covenant University Registrar, Oluwasegun Omidiora say dem sack alias dismiss di lecturer on Friday 12 March, 2021 sake of say dia school dey against act of rape.
Di 41 years old lecturer chop sack for allegedly raping a 17 year-old-student of di school, according to di Christian university for Ogun State, South West of Nigeria.
Oga Oluwasegun Omidiora say dem don hand am over to di police for further investigation.
Di Ogun State Police Command bin arrest di lecturer on March 11,2021, BBC News Pidgin find out.
On interrogation, di suspect bin admit say im get carnal knowledge of di 17 year-old victim, but im no give reason for im action.
Di suspected lecturer arrest bin follow one complain wey di parents of di victim bin lodge.
[Covenant University lecturer arrested] – How di student rape happun
Di parent of di victim bin report say dia daughter call dem on phone from di school say her lecturer bin invite her to di office on di said date under di pretence say im bin wan plan a surprise birthday party for her close friend.
According to di report, wen she get to di lecture office , he lock di office door and forcefully had sex wit her on top of di table for im office.
Di university authority help di police to track, arrest and hand over di lecturer to di police after dem hear of di incident.
Source: bbc.com
-
Lifestyle1 month ago
Road Safety Authority narrates how buttocks causes road accident
-
GENERAL NEWS2 months ago
Why 15 police officers stormed Owusu Bempah’s church – Kumchacha narrates
-
GENERAL NEWS1 month ago
Watch how Ibrahim Mahama rode Honda superbike to pay last respects to late friend
-
GENERAL NEWS1 month ago
How Offinso residents storm destooled queen mother’s house, demand for new chief
-
South Africa News1 month ago
Woman thrown out of a speeding taxi while on her way to work
-
GENERAL NEWS3 weeks ago
Deadly clash between youth and navy personnel results in two deaths at Tema Manhean
-
SHOWBIZ KONKONSAH3 weeks ago
Junior Pope’s Death: Video of John Dumelo refusing to join canoe for movie shoot over safety concerns resurfaces
-
News Africa2 months ago
‘Satanically dubious’ – SCOAN releases statement on BBC’s report about TB Joshua, church