American musician R Kelly don dey sentenced to 30 years in prison.
Nine months ago, court find Singer R. Kelly guilty of running one scheme to sexually abuse women and children.
One New York jury convict di disgraced pop star for September, for racketeering and eight counts of sex trafficking.
Goment lawyers say im suppose spend at least 25 years behind bars.
Im legal team bin argue say im deserve only di minimum sentence of ten years becos im “no currently be risk to di public”.
Authorities discover say di singer – wey popular for im songs ‘I Believe I Can Fly’ and ‘Ignition’ (Remix) – bin be ringleader of one violent and coercive scheme to trap women and children for am to sexually abuse.
For di six-week trial pipo hear how im bin traffick women between different US states, wit assistance of im managers, security guards plus oda entourage members, more dan 20 years ago.
Di court also hear how Kelly bin illegally collect permit to marry singer Aaliyah wen she bin dey 15 for 1994, seven years before she die for one plane crash.
Di certificate, wey leak dat time, say Aaliyah age na 18. Court marriage was cancel di marriage months later.