Home / AFRICA NEWS / News Africa / COVID-19 deaths don pass three million for world

COVID-19 deaths don pass three million for world


Almost 140 million cases na im dem don record since di pandemic began

Di number of pipo wey don die for world for di COVID-19 pandemic don pass three million, according to Johns Hopkins University.

Dis new record dey come one day aft oga of World Health Organization (WHO) warn say di world dey “approach di highest rate of infection” so far.

India – dey experience second wave – don record more dan 230,000 new cases on Saturday alone.

Almost 140 million cases na im dem don record since di pandemic began.

WHO chief Dr Tedros Adhanom Ghebreyesus bin warn on Friday say “cases and deaths dey continue to increase at worrying rates”.

Im add say “for world, di number of new cases per week don nearly doubled for di past two months”.

US, India and Brazil – kontris wit di highest number of infections, also get total more dan million deaths put togeda, according to Johns Hopkins University.

Wetin dey happun for India?

Until few weeks ago, India bin get di pandemic under control. Cases had been below 20,000 a day for much of January and February – a low figure in a country of more than a 1.3 billion people.

But di infections began dey rise sharply: Saturday make am three day wey di record dey increase back-to-back for three day, wit more dan 234,000 cases reported.

Di capital Delhi dey lockdown for di weekend, wit restrictions for several oda states, as officials dey try control di spread.

Now all eyes dey on di Kumbh Mela festival, wey still dey happun even wit fear say lmillions of Hindu worshippers wey attend dis year festival fit cari di virus go home wit dem.

About 1,600 pipo test positive dis week for gathering wey happun for northern state of Uttrakhand, for Ganges river waterside.

Wia else cases dey rise?

Brazil – wey don record di third highest number of cases and di second highest number of deaths wit 368,749 – still struggle to control di outbreak.

On Friday, di health ministry announce more dan 85,000 new cases ova di previous 24 hours and 3,305 deaths.

Canada don also report recent rise, dis na di first time dis dey happun since di pandemic begin.

Source: bbc.com

About admin

Check Also

Death Sentences For 29 Over Dr. Congo Eid clashes

IMAGE COPYRIGHTREUTERSimage captionPolice vehicles were also destroyed in the clashes outside Martyrs’ Stadium Twenty-nine people …

Two dead as helicopter crashes into Vaal Dam

Two people reportedly died on Friday evening when a helicopter crashed into the Vaal Dam. …

Meet the African tribe that offers free sex to guests

The Himba people in Namibia are a unique set of humans whose culture has a …

Leave a Reply

Your email address will not be published. Required fields are marked *

Powered by Live Score & Live Score App